الجبن الفنزويلي 🥰 ولا الفلان الفنزويلي أصغر كمية على اليوتوب 🛑 بمقادير مضبوطة وشكل راقي❤️❤️

الجبن الفنزويلي 🥰 ولا الفلان الفنزويلي أصغر كمية على اليوتوب 🛑 بمقادير مضبوطة وشكل راقي❤️❤️

السلام عليكم ورحمه الله تعالى وبركاته مرحبا بكم حبيباتي على قناه امال اليوم ان شاء الله جبت لكم وصفه تاع الجبن الفنزويلي هذا البنات اللي راه داير حاله في مواقع التواصل يعني صراحه قلت حتى انا نجربه ونحطه يعني في القناه هكذا باش نشاركه معكم بصح البنات انا مادرتش البيض مادرتش 10 حبات ولا 20 حبه شفتهم كامل تقريبا داروا يعني ب 10 حبات ولا 20 حبه صراحه جاتني يعني بزاف الكونتيتي هذه درته لكم اليوم بخمس حبات تاع بيض هكذا يعني اللي عائله صغيره ولا يعني افراد العائله تاعه صغيره هكا يعني كونتيتي خير من ديروا 10 حبات ولا 20 حبه راح تجيكم كميه كبيره بزاف اولا البنات بديت طبعا بالسكر خدمت الكراميل جبت غير السكر وحده كاس تاع سكر وذوبته على نار قليله خلاص في كاسرونه تكون ما تلصقش ودرت له شويه تاع البيكربونات ضفت له شويه تاع البيكربونات باش يجيني يعني اللون تاعه وهذا مليح ك هكا ك يعني الكراميل اللي نشريوه من برا ميم يجي فيه هذاك لو كو تاع الكراميل اللي نشريوه يعني كي تحرقوا السكر تاعكم خلاص كي تكملوا يذوب كامل هذاك السكر على نار هاديه ضيفواه رشه تاع بيكربونات وبقاو تحركوا عادي بشويه حتى يذوب كامل وتحصلوا على اللون اللي حبيتوه درت هذك الكراميل في المول يا البنات اللي راح نطيب فيه انا درت في المول العجيب وجيت هنا للفور درته شعلته من الفوق ومن التحت ودرت على 160 درجه كي تشوفوا البنات هذا تاع التومبيراتورير هذا يبقى يسينيالي هكا يعني الفور تاعكم راه مازال ماسخنش بزاف اللي قالولي يعني الفور تاعهم يعني ما تاعي وماعرفوش كيفا يطيبوا فيه يعني وريتلكم كي تشعلوه كي تشوفوا هذك تاع الطومبيراتور مازال تسينيالي معناها الفور مازال ماسخنش وما تحطوش الحاجه تاعكم باه طيب الان البنات جينا للمقادير بالنسبه للمقادير عندي 75 غرام تاع سكر عندي 110 غرام تاع لحظه ولا حليب بودر عندي خمس حبات تاع بيض 300 ملي تاع حليب حليب عادي و 150 غرام تاع النيسلي وعندي لافاني لافاني البنات ديروا من الاحسن ديروا ليكستري تاع لافاني علاه لان هذا الفلون فيه البيض بزاف باش ما يجيكمش لو كو تاع البيض تاعه قوي يعني ديروا لافاني اكستري لا ما عندكمش ديروا يعني لافاني بودر وكثروا شويه جبت هنا يعني بالنسبه يعني طريقه التحضير يعني سهله خلاص تحطوا جميع المكونات في ريسيبيون واحد وتخلطوا كل شيء واش وانا كي خلطت خلطت بالبرا ميكسور هكذا باش يعني هذك اللحظه يعني تتميكسالي مليح مع المكونات الاخرين ضفت كل شي هنا ما شفتوا ضفنا الحليب والبيض والسكر ولحظه بودر وضفت هنا ايضا ملعقه متوسطه يعني هذيك تاع الديسير تاع سائل الفانيلا ما شفتوا هنايا وراح نضيف ثاني النيسلي يعني ضفت جميع المكونات وايضا رشه تاع الملح باش ما نساش برك ايضا رشه تاع الملح ضيفوها لهذ المكونات تاعكم هنا البنات ك شفتوا يعني لافاني عفوا الكراميل درتها حطيتها في المول ثم ثم تبرد وتجمد تشد روحها وثاني الفور تاعنا شعلناه على 160 درجه الفوق والتحت وهكذا باش يعني كي نجيو كي نكمل نخلطوا كل شيء نحطوه مباشره يطيب بالنسبه للطياب راح نطيبوه في حمام مائي يعني ما ندير الفلون تاعنا اللي نديروه في الفرن فقط هذا يختلف شويه عليه في القوام جبت هنا البنات البرا ميكسور ميكسيت كل شيء مع بعضه هكذا على ضربه بلا ما تخلطوا بالفوي يعني غير هكذا بالبره يجيكم اسهل وهكذا يتميكساو لكم الحوايج كامل مليح جبت هنا البنات البلاطو اللي راح نحط فيه يعني المول تاعنا اللي راح نطيبو فيه هكا باش ندير حمام مائي ونجيبوا هذاك الخليط تاعنا تاع الفلون رايحين نفوتوه في مصفات ونحطه مباشره فوق هذيك الكراميل هنا البنات اذا حبيتوا الفلون تاعكم يجيكم عالي يعني طرونش تاع الفلون تاعكم كي تقسموها تجيكم عاليه ديرو في مول صغير واذا حبيتوا يجيكم رقيق كما انا تاعي يعني جاني عادي رقيق ماهوش خشين ماهوش عالي بزاف درته في مول كبير يعني انتوما ما حبيتوا الشكل اللي تتحصلوا عليه غطيته هناياي النيوم وحطيته هنايا في الفور هنا راح نضيف له الماء الساخن ما قلت لكم الفلون هذا نطيبوه على حمام مائي هنا طبعا الفور تاعي راه سخن يعني شوفوا البنات كي يسخن الفور تاعكم يعني هذيك تاع التومبيغتور تحبس ما تسينياليش ويصوني الفور هنايا عرفوا باللي خلاص يعني راه وصل لدرجه الحراره هذك تاع اللي رايحين نطيبوا فيها هذيك الساعه حطوا الحاجه تاعكم حط درت هنايا الماء الساخن طبعا باش نطيبه على حمام مائي غلقت عليه وريقته على ساعه كامله شوفوا البنات كي فاتت ساعه جيت عاودت فتحت عليه وراح نحي هذاك البابيي النيوم ونشوف لازم نلقاه باللي شد روحه يعني كونتيتي ك هذه صغيره البنات تقدروا حتى طيبوها على اقل تقدروا يعني 45 دقيقه تكفيكم ماشي شرط ساعه يعني 45 دقيقه وجبدوا فتحوا كي تمسوا هكا تلقاوه باللي نشف خلاص تلقاوه ناشف يعني تحطوا صباعكم نورمال تلقاوه يعني الطبقه هذيك يابسه هنا عرفوا باللي طاب شوفوا البنات جبدته غطيته وراح نحطه في الثلاجه يبات ليله كامله وغطيوه باش يعني ما يمتصش هذوك الروائح تاع الثلاجه شوفوا البنات غدوه من ذاك الصباح كي جبدته لقيته هكا شاد روحه جبت سكين نحيته كامل عيني نحيته كامل من الحواشي هكذا باش ما يلصقليش كي نقلبه فقط بالنسبه للكراميل انا يعني كي جبدته مباشره من الثلاجه وهو هكاك بارد قلبته انتما كي تجبدوه من الثلاجه خليوه يريح واحد النص ساعه برا ومن بعد قلبوه هكا باش الكراميل هذيك اللي في المول كامل تهبط معكم شوفوا البنات روعه ما شاء الله يعني الشكل تاعه ولا اروع يقولواخواتنا المصريين يا جماله شوفوا روعه روعه الشكل تاعه ولا اروع وهذيك الكراميل كي تزيدوا لها البيكربونات شوفوا كيفاه يجي اللون تاعها ما تجيكمش خفيفه يعني كراميل ما تزيدولهاش الماء كاين اللي يدير السكر مع الماء ويخدم الكراميل يعني ذوبوا ك درت انا السكر وحده وزيدواه رشه تاع البيكربونات شوفوا يجي ولا اروع يعني تجيكم كراميل ك تاع برا فقط ما شفتوني انا كي قلبت لان الكراميل كانت مازالت بارده ماهبطتش معايا كامل قعدت شويه في المول كي تجبدوه من الثلاجه خليوه يريح برا واحد النص ساعه ومن بعد اقلبوه هكذا تهبط معكم الكراميل كامل لانه يعني كي تاكلوه مع الكراميل يجيكم روعه شوفوا البنات يجي ولا اروع هايل هايل يعني صراحه انا رايي فيه هو كتحليه وصفه بزاف هايله بصح كي نقارنوه مع الفلون تاعنا الفلون الجزائري طبعا فلون كراميل الجزائري اللي طيب في الفور صراحه انا فض فضلت الفلون يعني كي نقرنب مع الفلون انا فضلت الفلون علاه والفنا احنا بهذك الفلون كي يجينا ما نقولوا كي ناكلوه في الفم يجينا خفيف يعجبنا هذا شويه ثقيل بصح كتحليه بزاف هايل يعني حاجه مختلفه شوفوا البنات ولا اروع يعني حتى الطرونش تاعكم الطرونش يعني كي تقسموها تاع هذا الجبن الفنزويلي تجيكم هايله لانه شد روحه ما على بالكم فيه اللحظه وفيه ثاني النيسلي ما على بالكم هذاك الحليب يعني تاع النيسلي ديجا راه هو بعد حليب مكثف صافي على هذك يجي شاد روحه ما قلت لكم انا كتحليه صراحه روعه بصح كي نقرنوا بالفلون تاعنا انا صراحه نفضل الفلون هذاك اللي خفيف ولكن هذا ثاني بنته هايله شوفوا البنات ان شاء الله تكون عجبتكم الوصفه تاع نهار اليوم وجربوها طبعا ما قلت لكم ما فيها غير خمس حبات تاع بيض يعني مكونات مش ياسره البنات اللي مش مشتركين في القناه ما تنساوش ساش تشتركوا في القناه وتفعلوا زر الجرس هكذا با كي نحط اي فيديو جديد يلحقكم يعني هذوك الاشعارات وما تنساوناش طبعا بلي جيم تاعكم ولي كومونتير تاعكم الباهيين ان شاء الله يا البنات يكون عجبكم الفيديو تاعنا تاع نهار اليوم نتلاقاو ان شاء الله في وصفات اخرى وفيديوهات اخرى باذن الله تعالى ونخليكم دمتم في رعايه الله وحفظه

الجبن الفنزويلي 🥰 ولا الفلان الفنزويلي أصغر كمية على اليوتوب 🛑 بمقادير مضبوطة وشكل راقي❤️
الجبن الفنزويلي, وصفة الجبن الفنزويلي, طريقة الجبن الفنزويلي, الفنزويلي, الفلان الفنزويلي الشهير, فلان الجبن, الجبن, الجبنة الإيطالية, حلو فنزويلي, الجبنة الأصلية والمقلدة, الجبنة الإيطالية التقليدية, طريقة صنع الجبنة, زيارة مصنع الجبنة#اكسبلور #amel_cuisine #فلان
الجبن الفنزويلي 🥰 ولا الفلان الفنزويلي أصغر كمية على اليوتوب 🛑 بمقادير مضبوطة وشكل راقي
اليوم جبتلكم وصفة تاع الجبن الفنزويلي، ولا الفْلان الفنزويلي، بصح درتو بأصغر كمية (خمسة حبات بيض برك)، ماشي كيما الوصفات اللي راهم يدورو بزاف بالـ 10 حبات و الفوق، باش يوالِم العائلات الصغيرة 🥰
أول حاجة 💕 بديت ب:
الكراميل : ،ذوّبت كاس تاع سكر وحدو على نار قليلة خلاص في كاسرونة ما تلصقش. كي ذاب، زدتلو رشة صغيرة تاع بيكاربونات باش يجي لونها شباب و بنين كيما تاع برا. هاد الكراميل فرغتها فالمول اللي طيب فيه (انا استعملت المول العجيب)
المقادير والخلط: من بعد، وجدت المقادير اللي فيهم:
خمسة حبات بيض.
75 غ سكر.
110 غ لحظة (حليب غبرة).
300 مل حليب عادي.
150 غ النيسلي (حليب مركز محلى)
ولافاني (من الأفضل ديري لا ڤاني السائلة باش تروح ريحة البيض القاوية)
خلطت كلش ضربة وحدة بالبرا ميكسور باش اللحظة تذوب مليح
الطياب: صفيت الخليط في صفاية و فرغتو فوق الكراميل في المول . غطيتو بالـ بابي ألمنيوم، و طيبتو في الـ “بان ماران” (حمام مائي) لمدة ساعة على نار هادية (160°C) . كي تشوفيه نشف و شد روحو كي تمسيه، عرفي بلي طاب
التقديم: خليتو يبرد، و من بعد درتو ليلة كاملة في الثلاجة . خلوه يريح شوية برا قبل ما تقلبوه باش الكراميل كامل تهبط
شكلها جا هايل بزاف، تحلية هايلة تفرحي بيها ولادك وضيافك قوامها كما الجبن وذوقها كما الفلان كراميل
واذا عجباتط الوصفة حبيبتي خليلي جام 👍🏻
الجبن الفنزويلي

الفلان الفنزويلي

أصغر كمية فلان فنزويلي

مقادير مضبوطة

وصفة فلان فنزويلي

طريقة عمل الجبن الفنزويلي
#الجبن_الفنزويلي

#الفلان_الفنزويلي

#حلى_بارد

#وصفات_سهلة
#amel_cuisine
#قناة_amel_cuisine